Fir Bhi Ahsaas Wahi....

Fir Bhi Ahsaas  Wahi.....


















Tum paas nahi, fir bhi ahsaas wahi!
Jo mila hai tumse, bas yaad wahi !!                                                                          
Pahli bar do anjaan mile,
Has kar hamne mulaakaat jo ki !
Ab khush rahna mai bhool gaya
Jo fir se ham anjaan hue !!

Jo milte ham ek duje se,
Aur khub sharaarat hoti thi !
Ab fir gustaakhi karne ki,
Arzoo ek rah jati hai !!

Jo puri raat tumhe jagaya tha,
Na khud soya, tumhe khub sataya tha !
Ab karwaton me raatein kat jaati hain,
Aahein to mai bharta hoon ,
Shayad tum tak na pahuch paati hain !!                                                               

Tumhe khub rulaya hai,
Aur mai bhi saath me roya hoon !
Ab shaayad tum khush hoge,            
Mere haalaat to badtar hai !!

Tum par to aitbaar hi tha,
Par duniya se mai darta tha !
Aur isi gaflat me mai,
Tumhe bura kah baitha tha !!


Pal pal faasla badhta gaya,
Mai galat sa dikhta gaya!
Maine kabhi bura na socha,
Par shaayad tumhe aitbaar nahi !!

Tum bure waqt ko yaad kar,
Nafrat hi kar paoge !
Mai to khushnuma yadoon me jeeta,
Tum bahut yaad aoge !!

Khub bahaane dhundhe maine,
Tere paas jo aane ki !
Ab to haar gaya hoon mai,
Jo jidd hai teri jaane ki !!

Ab to soona lagta hai,                                                                                                         
Jab tum na milne aate ho !
Un sadko aur un galiyo pe,
Fir bhi dikh se jaate ho !!                                                                                     

Hame saath jo dekh na pate,
Unse bhi ye kahta hoon !
Meri aahein WO sunta hai,
Aage kahne se darta hoon !!

TUM HAMESHA KAHTE THE,
KI SAATH NA MERA CHHODOGE !
MALOOM MUJHE TUM SACHCHE HO,
KABHI TO MOOD KAR DEKHOGE!!

TUM HAMESHA KAHTE THE,
MERA BURA KABHI NA CHAHOGE !
IS BICCHHADAN ME KYA ACHHA HAI ??
SHAYAD TUM HI SAMJHA PAOGE !!

Mandir Masjeed maine ghooma ,
Har jagah sir jhukaya hai !!
Suna hai jo na insaan ke bas me,
Bas SAI hi kar paya hai !!

SAI jo chahe ham mil jayein,
Har kadam ham sang ho jayein !
Itni si rah gayi hai khwaahish,
Baaki koi armaan nahi !!

Ek baar mai ro sakoon,
Teri palkon me fir kho sakoon !
Har sajaa ke mai kaabil hoon,
Shaayad mujrim ban kar ji sakoon !!

Darr nahi mujhe jamaane se,
Na ghar se na gharaane se !
Bas teri parwaah karta hoon,
Isliye dur rahta hoon !!

Jo ki gustaakhi, sajaa to do,
Mil kar mujhse, gila karo !
Agar Jaan leni hai meri,
Til til mat marne ko chhodo, ek dafa insaaf karo !!

Fariyaad hai tumse,
Jald laut kar ana !
Saasein ukhad rahi hai meri,
Mulaakat ek farz hai tumhe nibhana !!
                                                                          
Ek baar fir has kar to milo,
Sharaarton ka fir mauka to do !!
Baith rahi hai dhadkan meri, 
Haathon me apne thaam to lo !!

Suna hai marnewale khusnaseeb kahlaate hai,
Anjaane bhi unko, ek nazar dekh jate hain !
Aaj nahi to kal hai jana,
Fir shaayad tum milne ana !!

Yaad rahe na bah jayein aansu,
Thandi padi us laash par !
Tere aansu meri majboori,
Kahin fir laut na aoon teri raah par !!

Mai fir tumhe hasaaoon, aap fir mujhe rulayein,
Mai fir tumhe jagaoon, aap fir mujhe sataaein !
Mai teri raahein taakoon aur aap milne aayein,
Har janam sirf tumko paayein !!


Har janam sirf tumko paayein !!!!


Ab to bas itni hai chahat,
Kah lo tum fariyaad sahi !
Tum paas nahi, fir bhi ahsaas wahi,
Jo mila hai tumse, bas yaad wahi !!















========The Beginning======